Annibale alle porte di Roma

[intrigo]

Chiedo aiuto per qst versione, mi servirebbe per lunedì........grazie

Ploratus mulierum non ex privatis solum domibus exaudiebatur; sed undique matronae, in publicum effusae, circa deûm delubra discurrunt, crinibus passis aras verrentes, nixae genibus, supinas manus ad caelum ac deos tendentes, orantesque ut urbem romanam e manibus hostium eriperent, matresque romanas et liberos parvos inviolatos servarent. Senatus magistratibus in foro praesto est, si quid consulere velint. Alii accipiunt imperia disceduntque ad suas quisque officiorum partes: alii offerunt se, si quo usus operae sit (se mai ce ne fosse bisogno). Praesidia in arce, in Capitolio, in muris ad urbem, in monte etiam Albano atque arce Aepulana ponuntur. Hannibal, infestius perpopulato agro Fregellano propter intercisos pontes, per Frusinatem Ferentinatemque et Anagninum Agrum, in Lavicanum venit. Inde Algido Tusculum petiit, nec receptus moenibus infra Tusculum dextrorsus Gabios descendit. Inde in Pupiniam exercitu demisso, octo millia passuum ab Roma posuit castra. (Livio)