Analisi logica (208197)

[wade.97]

Dictator Manlium in vincla duci iussit. Arreptus a viatore «Iuppiter – inquit – optime maxime Iunoque regina ac Minerva ceterique di deaeque, qui Capitolium arcemque incolĭtis,sicine vestrum militem ac praesĭdem sinĭtis vexari ab inimicis? Haec dextra, qua Gallos fudia delubris vestris, iam in vinclis et catenis erit?». Nullĭus nec oculi nec aures indignitatem ferebant; sed patientissima iusti imperii civitas erat, nec adversus dictatoriam vim auttribuni plebis aut ipsa plebs attollĕre oculos aut hiscĕre audebat. Coniecto in carcerem Manlio, satis constat magnam partem plebis vestem mutasse (= mutavisse), multos mortales capillum ac barbam promisisse obversatamque (esse) vestibulo carceris maestam turbam. Abdicatio dictaturae linguam et animos hominum liberavit: iam ne nocte quidem turba ex eo loco dilabebatur refracturosque (esse) carcerem minabantur cum ex senatus consulto Manlius vinculis liberatur