(276033)versione urgente per domani aiuto

[Mara.toscano]

Versione urgente per domani, non riesco a farla. mi serve l'analisi (declinazione,caso,genere,numero e complemento corrispondente) MI SERVE SOLO L'ANALISI NON LA TRADUZIONE GRAZIE IN ANTICIPO
«Tamen, inquit Trimalchio, «quid habuistis in cena?», «Dicam», inquit, «si potuero; nam tam bonae memoriae sum, ut frequenter nomen meum obliviscar. Habuimus tamen in primo porcum botulo coronatum et circa sangunculum et gizeria optime facta et certe betam et panem autopyrum de suo sibi, quem ego malo quam candi dum; nam et vires facit, et cum mea re causa facio, non ploro. Sequens ferculum fuit sciribilita frigida et supra mel calidum infusum Hispanum. Itaque de sciribilita qui dem non minimum edi, de melle me usque tetigi. Circa cicer et lupinum, nuces cal vae arbitratu et mala singula. Ego tamen duo sustuli et ecce in mappa alligata habeo; nam si quid muneris meo vernulae non tulero, habebo convicium. Bene me admonet domina mea. In prospectu habuimus ursinae frustum, de quo cum imprudens Scintilla gustasset, paene intestina sua vomuit, ego contra libram comedi, nam ipsum aprum sapiebat. Et si, inquam, ursus homuncionem comest, quanto magis homuncio debet ursum comesse?